Ábrese a preinscrición no Máster en Enxeñería Informática da Universidade de Vigo
venres, 28 de xuño do 2013
A Universidade de Vigo abriu hoxe o prazo de inscrición para
o Máster Universitario en
Enxeñería Informática no seu Campus de Ourense co que os alumnos poderán
ampliar a súa preparación e aumentar o seu nivel de cualificación profesional
adaptado ó Espazo Superior de Educación Europeo coa obtención deste título de
Máster.
O obxectivo principal do programa é a preparación de profesionais altamente
cualificados que poidan planificar, deseñar, dirixir, coordinar e xestionar
proxectos, produtos, procesos en todos os ámbitos da Enxeñería Informática.
Formación enfocada o ámbito profesional
Adaptado as necesidades profesionais de hoxe, o Máster
estrutúrase en 3 cuadrimestres e ten unha carga docente de 90 ECTS. No terceiro
cuadrimestre os alumnos terán que elixir especialidade: Deseño e administración
de sistemas e redes; Dirección de informática; ou Calidade de procesos e
Servicios Informáticos. Todas as especialidades inclúen prácticas profesionais
en empresas e a realización dun proxecto fin de Máster. As especialidades e a formación impartida no
Máster aportan os coñecementos
necesarios para traballos que teñen un elevado nivel de empregabilidade no
contorno socioeconómica galego e estatal.
A formación está dirixida principalmente a Graduados en Enxeñería Informática e
que desexen obter unha titulación de segundo ciclo, e alumnos que se atopen en
disposición de distintos títulos LRU relacionados coa informática que desexan
adaptar o seu currículo á nova estrutura de formación definida polo Espazo
Superior de Educación Europeo.
O horario do Máster é uniforme o que permite compatibilizalo con outras actividades que estean desenvolvendo os
alumnos e a
preinscrición a este Máster comeza hoxe e permanecerá aberta até o vindeiro 4
de xullo.