Abre en Madrid un pequeno museo de ordenadores de Apple

A empresa madrileña CFE Apps Developers, primeiro centro dedicado en exclusiva á formación en creación de aplicacións para dispositivos iOS, sita na zona de negocios Príncipe de Vergara Norte dentro do distrito de Chamartín, abriu onte no seu andar baixo o Little Apple Museum, o primeiro museo de Apple de España, que comeza dun xeito modesto cun número de equipos limitado en boa medida polo espazo e podendo visitarse de luns a venres pola tarde en grupos de 20 persoas por hora con reserva previa.
Este museo sen arela de lucro pretende medrar, e incluso servir de soporte para mostras itinerantes, pero inicialmente é un interesante xeito de repasar a historia de Apple a través de 22 ordenadores das distintas épocas da compañía da mazá trabada, podendo verse o clásico Apple II, o histórico Apple Lisa e incluso un NeXT Cube (equipo comercializado por Steve Jobs tras ser expulsado de Apple).