Aberto até o 9 de xaneiro o concurso de tiktokers do Concello de Lugo
xoves, 7 de xaneiro do 2021
O
Concello
de Lugo, a través da área de Xuventude, impulsou este Nadal un
concurso para a mocidade arredor da rede social Tik Tok, ao
abeiro das actividades de lecer seguras do programa #nadalnacasa.
Segundo lembrou a concelleira Ana González Abelleira, o certame vén
cunha serie de premios para as e os tiktokers que participen
de xeito individual ou colectivo: vales de 20 a 60 euros para un
xantar ou unha cea en calquera dos establecementos da restauración
do concello de Lugo. A edil recordou que o prazo para tomar parte no
concurso está aberto até este 9 de xaneiro.
Tamén
indicou que todas as mozas e mozos de entre 14 e 35 anos que teñen
interese en apuntarse ao certame só teñen que subir o seu Tik Tok a
esa mesma plataforma, e tamén ás redes sociais Instagram ou
Facebook baixo o cancelo #nadalnacasa, ata o 9 de xaneiro. Poden
facelo de xeito individual ou colectivo, cun máximo de tres persoas
por formación. As e os menores de 18 anos precisarán unha
autorización do pai, nai, titor ou titora que poden solicitar a
través do enderezo xuventude@lugo.gal ou nos teléfonos 982 297 496
ou 982 297 269.