APETEGA organiza no IES de Brión as XVIII Xornadas de Tecnoloxía
venres, 22 de abril do 2022
A
Asociación do Profesorado de Tecnoloxía de Galicia (APETEGA) vai
organizar nesta recta final de abril a nova edición duns encontros
maker que buscan empoderar á mocidade e ao profesorado no deseño
e desenvolvemento de novas ferramentas e dispositivos con obxectivos
concretos. Estamos a falar das XVIII
Xornadas de Tecnoloxía, que terán lugar o 29 e 30 de abril no
IES de Brión.
Haberá
obradoiros centrados en ámbitos variados e creativos: drons,
modelado e animación 3D, materiais téxtiles con electrónica ou
control e programación O obxectivo destas xornadas de APETEGA é
“permitir unha aproximación aos contidos de Tecnoloxía no novo
currículo dende unha perspectiva de aplicación ás aulas”.
A
inscrición realízase a
través do formulario aloxado na páxina web da APETEGA até o 27
de abril.
APETEGA
é a Asociación do Profesorado de Tecnoloxía de Galicia, unha
asociación sen ánimo de lucro que se adica a promover e divulgar o
ensino da área de Tecnoloxía no sistema educativo e a programar
actividades de formación, divulgación, etc. Realiza anualmente
diversas actividades (xornadas monográficas, xornadas de tecnoloxía,
cursos online na aula virtual, visitas didácticas, etc) e
ofrece contidos formativos a
través da súa aula web.