AOL adquirirá a rede de blogs TechCrunch
mércores, 29 de setembro do 2010
- O evento TechCrunch Disrupt foi o lugar elixido para escenificar a operación de AOL
Durante a
celebración do evento TechCrunch Disrupt en San Francisco formalizouse
publicamente o acordo de compra da rede de blogs de TechCrunch por parte de AOL,
asegurándose que vai manter a súa independencia editorial, polo que esta
interesante fonte de información tecnolóxica deberÃa de poder manter o seu
pulo.
O blog fundado por Michael Arrington en 2005, TechCrunch, é todo un referente
do sector, coma Engadget (que tamén forma parte da familia de AOL tras a súa
adquisición de Weblogs Inc.), e deu pé a outros blogs verticais moi populares
coma MobileCrunch, CrunchGear, TechCrunchIT, GreenTech, TechCrunchTV e
CrunchBase.
Polo momento non se coñece nin a cantidade que AOL pagará por TechCrunch nin o
tempo no que Michael Arrington continuará ao cargo da compañÃa, pois un
dos principais motivos para a venda parece ser a fatiga provocada pola
intensidade do seu traballo no cerne tecnolóxico dos EE.UU., onde tiña que
dar conta constantemente de grandes novidades, á vez que participa en multitude
de eventos. Arrington insiste en que TechCrunch é unha comunidade de
escritores, empregados e lectores, e agarda que continúe asÃ.