AMTEGA destaca a importancia da ciberseguridade
xoves, 8 de xuño do 2017
A directora da AMTEGA, Mar Pereira, inaugurou hoxe en
Santiago a II Xornada de Ciberseguridade de Galicia, organizada polo Colexio
Profesional de EnxeñarÃa Informática (CPEIG), onde destacou que o incremento da
seguridade na Rede é unha das prioridades da Axenda Dixital de Galicia 2020,
que se plasma no Plan Director de Seguridade TIC 2015-2020, folla de ruta para
protexer os servizos públicos dixitais fronte a este tipo de ameazas e crear un
clima de confianza para xeralizar o seu uso por parte de cidadáns e empresas.
Pereira sinalou que os ciberataques xeran un dobre prexuÃzo, o que causan
directamente aos afectados e o clima de desconfianza que xeran na cidadanÃa
respecto do uso de medios electrónicos. Engadiu que aÃnda que os ataques
informáticos non se poden evitar ao 100%, cada vez existen máis servizos e
ferramentas para minimizar o máximo posible o seu impacto, de aà que a
ciberseguridade sexa un aspecto imprescindible a ter en conta en calquera tipo
de organización pública ou privada e tamén no ámbito persoal.
No marco do Plan Director de Seguridade TIC 2015-2020 estanse a desenvolver una
serie de actuacións, tanto técnicas e operativas como organizativas e
formativas, que permitiron aumentar as capacidades de prevención, detección e
reposta ante incidentes de seguridade. Estas medidas permiten, tamén, unha
mellor colaboración coas Forzas e Corpos de Seguridade do Estado, achegando
información de valor para axudar na investigación de posibles de delitos
relacionados co ciberespazo.
Nun proceso de dixitalización intensivo, como o que se está a desenvolver a
nivel mundial, as infraestruturas tecnolóxicas que garanten o funcionamento de
servizos públicos convértense en infraestruturas crÃticas e a ciberseguridade
nun elemento chave de seguridade nacional. Mar Pereira incidiu en que
incrementar a seguridade require da acción conxunta dos diferentes Gobernos,
dos corpos e forzas de seguridade, e tamén da colaboración estreita do sector
tecnolóxico.