AI-LALELO, a participación galega nun concurso musical de creacións mediante intelixencia artificial
mércores, 1 de xuño do 2022
O vindeiro 6 de xullo terá lugar unha nova edición do AI Song Contest, un certame musical que
naceu coa axuda da entidade organizadora do Festival de Eurovisión e no que
participan creacións realizadas mediante intelixencia artificial, sorprendendo
este ano a participación de Cecubo Group,
empresa compostelá que achega o tema AI-LALELO.
A creación musical pretende ser unha homenaxe ás mulleres que impulsaron
Galicia e a súa tradición, lingua e cultura. Mestura raÃz e modernidade, cunha
base nas cantigas medievais galegas pero cun toque futurista grazas ao uso da
intelixencia artificial na súa composición.
A letra de AI-LALELO (á que poñen voz Camille Hédouin, Mónica de Nut e Eva
e Xandre Outeiro) narra a historia dunha costureira, unha galega de finais do século
XIX que compaxina o seu oficio artesanal cos labores domésticos e do campo.
O equipo que desenvolveu AI-LALELO está formado por profesionais moi
heteroxéneos (o tecnólogo Juan Alonso, a compositora SofÃa Oriana, o produtor musical
Xandre Outeiro, o doutor en Telecomunicacións David Santos, a artista dixital
Marta Verde e o creativo Joel Cava), que durante 4 meses conseguiu que o
sistema de intelixencia artificial aprendese galego baseándose en 400 cantigas
do arquivo dixital Volai-vai, para compor unha letra que precisou pequenas adaptacións
e correccións, mentres que a melodÃa baseouse na copla popular A Costureira,
a partir da que o sistema xerou distintas liñas melódicas. Na música empregaron
gravacións de instrumentos e utensilios de labranza (conseguindo de xeito
artificial sons de zanfona, pandeireta, bombo, sacho, prato, tixola e lata) e
na fase final do traballo engadiron voces, un baixo e unha arpa de boca ao natural,
ademais de realizarse procesamento de audio con algoritmos. Tamén se elaborou
un vÃdeo musical da canción con intelixencia artificial, reinterpretando unha
escolma de escenas tÃpicas galegas.
Os responsables deste traballo aseguran que conseguiron unha ferramenta que
poderÃa supor un seguro musical para a música tradicional galega. Tamén
atoparon fortes vencellos entre a música de raÃz conservada nas aldeas e o corpus
musical altomedieval galego-portugués.
VÃdeo musical co tema AI-LALELO