AGAL lanza unha wiki-faq para resolver dúbidas sobre o reintegracionismo
xoves, 3 de febreiro do 2011
Esta semana, a Associaçom
Galega da Língua habilitou na Rede un interesante recurso para todos aqueles
internautas que queiran afondar nas estreitas ligazóns que nos unen a Portugal,
neste caso dende o punto de vista lingüístico (para AGAL e outras plataformas
culturais galegas, a nosa lingua e a portuguesa é a mesma lingua).
O recurso en cuestión é
unha Wiki-Faq do reintegracionismo
(recuperación e posta en valor da raizame galego-portuguesa) que foi desenvolvida
por un equipo dirixido por Ramom Flores.
Entre outras cousas, a
ferramenta ten a principal función de resolvernos as dúbidas que teñamos a
respecto da dita irmandade cultural e idiomática, facendo escolma dun bo número
de preguntas sobre o reintegracionismo xurdidas directamente da sociedade
galega, amais de facilitar “a compreensom sobre esta
estratégia para a nossa língua”, sinala AGAL.
