AGADIC achega 194.000 euros á materialización de 19 proxectos audioivisuais, incluídas 2 webseries
venres, 19 de agosto do 2022
A
Consellería de Cultura e Educación, a través da axencia AGADIC,
vén de adxudicar as subvencións á creación audiovisual para o
desenvolvemento e promoción do talento galego, a través das que
distribúe 194.000 euros entre os 19 proxectos seleccionados na
convocatoria de 2022. A través desta resolución, que se pode
consultar na
web de AGADIC, apoirase a realización de seis guións para
longametraxes, dúas webseries, tres longametraxes e oito
curtas.
Nun
plano máis concreto, serán 30.000 euros se destinan á modalidade
A, centrada en promover proxectos de escrita de guión. A mesma
linguaxe (a illa de antes), de Claudia Brenlla; Abellón,
de Fon Cortizo; Juan Sen Terra, de Álvaro Fernández
Fernández; Feismo, de Lorena Iglesias Lista; Panta rhei,
de Lois Patiño, e Decorado, de Alberto Vázquez foron os
proxectos mellor puntuados no apartado de escrita de guión, polo que
recibirán unha subvención de 5000 euros en cada caso.
Pola súa banda, cada unha das propostas subvencionadas na categoría
destinada ás longametraxes (Pausa na présa, de Alejandra
Aguirre Ordóñez; Da túa man para a miña, de Miramemira, e
Deuses de pedra, de Ángel Santos) recibirán 30.000 euros
para impulsar a súa realización, mentres que Pulp air, de
Henfunk, e Nómades, de Mala Herba Producións, son as dúas
webseries elixidas no seu ámbito. Cada unha delas recibe unha
axuda de 15.000 euros.
O
apoio do Goberno galego a través das axudas ao talento audiovisual
no caso das curtametraxes divídese en dúas submodalidades. A
primeira destínase a fitas en galego xa rodadas e que realicen os
traballos de posprodución na Comunidade. Nesas circunstancias
atópanse as producións O íntimo (de vivir unha corentena),
de Indígena Films, e Compañeiros, de Kraken Films, que se
reparten 8.000 euros.
O
segundo subapartado distribúe 30.000 euros entre seis curtametraxes
de futuro desenvolvemento: O coidado, de Miguel Canalejo; Un
novo día, de Gonzalo Javier Caride Baquero; O monstro e a
nena, de Jorge Juan Costas Mira; Curmán, de Alejandro
Jato; Recordar con elas, de Carmen Méndez Lamas, e Parafuso,
de Rocío Torres Pumeda.