A youtubeira Nuria EspasandÃn e a editora Cecilia Fernández, na terceira edición do LGx15
xoves, 9 de novembro do 2017
O
espÃrito de LGx15 segue vivo e dando
novos froitos. Esta mesma tarde, na Sala Capitol de Santiago,
celébrase (a partir das 18.00 horas) a terceira edición do evento,
organizado pola Coordinadora de Traballadores/as de Normalización
LingüÃstica co obxectivo de mostrar e compartir ideas innovadoras
para o futuro da nosa lingua e asentar os alicerces de novas
propostas. Haberá charlas breves de duración, apoio audiovisual,
música e humor. Entre outras relatoras, contarase coa
presenza de Cecilia Fernández Santomé, editora da publicación
dixital Coolt,
revista mensual e en galego sobre
moda, tendencias e estilos de vida. Nesta nova entrega do
LGx15 tamén falará a alumna de Dereito (UDC) Nuria EspasandÃn, coa
charla A lingua non é unha peza de museo.
Nuria,
como lembraremos, foi finalista este mesmo ano na primeira edición
de Youtubeir@s e ten
un espazo de seu en YouTube dende o que convida á
reflexión colectiva sobre a democracia e a liberdade na que
supostamente vivimos, sobre o galego ou sobre determinadas materias
pendentes no sistema educativo.
Youtubeir@s
A primeira edición de Youtubeir@s, como lembraremos, resolveuse o pasado mes de maio no Teatro Principal de Ourense, nunha gala na que participaron máis de cen persoas e na que se entregaron os galardóns do certame. A colleita do certame foi ben salientábel: máis de 200 vÃdeos sobre diferentes xeitos de vivir en galego e de reivindicalo. A iniciativa veu da man dos servizos de Normalización LingüÃstica (SNL) dos concellos da Baña, A Coruña, Ames, Carballo, Mazaricos, Ourense, Pontevedra, Ribadeo, Santiago de Compostela, Teo e O Grove; e tamén das universidades da Coruña, Santiago de Compostela e Vigo.
