A xestión unificada en materia TIC achegou un aforro anual na nosa terra de 6 millóns de euros
mércores, 17 de abril do 2013
A
creación
de AMTEGA (Axencia para a Modernización Tecnolóxica de Galicia),
formalizada en 2012 para unificar nun departamento autonómico as
competencias TIC, foi este
mércores obxecto de reconto e análise por parte da súa principal
responsábel, Mar Pereira. O obxectivo deste reconto foi,
precisamente, amosar en cifras e datos as vantaxes que achegou o
afianzamento da axencia. Segundo fixo saber Pereira no Parlamento, a
creación de AMTEGA foi unha aposta por un modelo de xestión
integrada das novas tecnoloxías, a primeira destas características
que se levou a cabo na Administración autonómica, explicou.
Mar
Pereira compareceu esta mañá na Comisión 6ª Industria, Enerxía,
Comercio e Turismo, na
que fixo saber
que “a
xestión centralizada está a dar os primeiros resultados
consolidando un aforro anual en gasto tecnolóxico de 6 millóns de
euros grazas á centralización de compras con baixas por licitación,
á negociación única no pagamento de licenzas cando é
imprescindible, ao emprego do software libre cando é a solución
máis competitiva, e á integración do gasto en telefonía e
comunicación”.
- A directora da AMTEGA en rolda de prensa
Para
Pereira, está claro que se seguirán a obter importantes logros
neste eido da integración e a optimización da xestión, xa que en
“2013
continuarase esta
senda
coa concentración dos contratos para a adquisición de mantemento de
hardware e software para todas as consellerías cun aforro do 20%
nestes custes”.
Amais
do devandito, Pereira explicou que o ano pasado AMTEGA xestionou
preto de 300 contratos TIC (dos que 59 foron adxudicados pola
axencia) e que máis do 91% do importe
adxudicado en 2012 “corresponde
a contratos xestionados en base a procedementos abertos”.
Tamén
recordou que o operador público RETEGAL está a seguir os mesmos
principios de transparencia e eficiencia, nos seus procesos de
contratación. “O
ano pasado”,
indicou, “19
dos contratos adxudicados por RETEGAL
foron
adxudicacións en base a procedementos abertos, o que supón máis do
89 % do importe adxudicado a 21 empresas distintas; ao
que cómpre engadir que os
aforros derivados das baixas sobre os importes de licitación
superaron os 600.000 euros”.