A web tuotrosuper.com, deseñada por Elogia, acada os 30 mil rexistros en tres meses
mércores, 5 de outubro do 2011
Elogia,
empresa con notábel presenza galega nas súas fileiras, vén de informar dun novo
logro na súa estratexia de busca de novos xeitos de promover nas canles
dixitais a actividade (servizos, produtos, eventos) dos seus clientes. Estamos
a falar das accións levadas a cabo para dar conta das vantaxes de Tu Otro Super, supermercado en liña que
comezou a súa andaina este verán, no mes de xullo, e que en só tres meses
conseguiu situar á súa tenda-web como
unha das grandes alternativas que existen arestora en relación ás grandes
superficies tradicionais. Máis en detalle, a estratexia en liña deste
establecemento xa logrou os 30 mil rexistros ao longo do dito perÃodo, amais
dunha chea de pedidos diarios.
Este labor, levado a cabo coa colaboración de
Elogia, supera, con moito, os obxectivos que a marca se propuxera no
lanzamento, informa. A tenda, que tamén debe o seu éxito aos descontos
habilitados na súa páxina, céntrase sobre todo en achegar produtos de
alimentación, limpeza, hixiene persoal, coidado de bebés, etc.
O labor de Elogia centrouse principalmente en
dúas cousas: no desenvolvemento e deseño da páxina tuotrosuper.com e máis nunha
estreita colaboración co cliente no vieiro de acadar o máximo aproveitamento da
experiencia mutua e, tamén, das amplas posibilidades das novas canles da
información.