A web do Ministerio de Industria conta cun novo deseño máis accesible e actual
xoves, 12 de febreiro do 2009
O Ministerio de
Industria, Turismo e Comercio ven de lanzar hoxe unha nova versión da súa páxina
web, mityc.es, coa principal intención de facilitarlle
o seu uso e navegación aos cidadáns que se conecten.
Este novo
portal ten como obxectivos primoridais, a adaptación aos criterios de
accesibilidade para as webs da Administración Xeral do Estado así como a
mellora da organización de tódolos seus contidos.
Asemade, a
renovada ferramenta da entidade pública conta agora con contidos multimedia,
aos cales se pode acceder dende a ligazón Canal
MITYC que, entre outras cousas, contén vídeos realizados sobre as
actividades que desenovolve o Ministerio de Industria, Turismo e Comercio.
Grazas ás
modificacións realizadas, o portal tamén posibilita, dende agora, achegar novas
vías de comunicación directas coa Administración mediante as que se poden facer
chegar ao Ministerio comentarios e opinións persoais; a intención desta
aplicación é fomentar a transparencia e a participación cidadá para coas autoridades.
Os responsables
da web aseguran que este cambio servirá para “ofrecer a información máis demandada de forma máis axil e eficaz”,
polo que incluso se introduciron melloras na versión de acceso dende o teléfono móbil.