A semana que vén a Coruña acollerá unha nova edición da serie de charlas FIC OnDev

Unha vez superadas as cinco xornadas de actividades de FIC OnLAN 2014, a asociación Freak’s Party organiza un ano máis FIC OnDev, unha serie de chalas que celebraranse na Facultade de Informática da Coruña entre os días 31 de marzo e 4 de abril.

Manuel García (Zarpamos) impartirá un obradoiro sobre Lean Startup na edición deste ano de FIC OnDev

O primeiro dos relatorios será o luns 31 de marzo ás 16:00 horas na aula 2.5w, onde Juan José Romero Crussat (Suma Importancia) falará de Casos prácticos sobre como levar adiante unha idea; ás 10:00 horas do martes 1 de abril será Alberto Díaz Freire (R) o encargado de falar sobre Marketing e innovación e chaves do éxito para un informático na aula 0 Máster; o ecuador das charlas chega o mércores ás 16:00 horas na aula 2.5w, con David Barral (Trabe) augurando que “o Javascript rematará con nós”; para os interesados en emprender no sector TIC pode resultar de grande utilidade o relatorio de Manuel García (Zarpamos) sobre metodoloxía Lean Startup o xoves 3 de abril a partir das 10:30 horas na aula 0 Máster; e, finalmente, Adrián (Lupeon) o venres 4 de abril ás 16:00 horas na aula 3.3 abordará a impresión e o escaneado 3D e a súa experiencia emprendendo en tal ámbito.