A rede de fibra de Movistar chega a 688 vivendas de Bande

Movistar despregou a súa fibra óptica (FTTH) en catro núcleos de poboación de Bande (Martiñán, Recarei, Sarreaus e Bande), o que permitiu que 268 novas unidades inmobiliarias dispoñan desta avanzada infraestrutura de comunicación. Estas vivendas súmanse ás 688 xa conectadas nos últimos meses á rede de fibra de Movistar, o que supón un 40% de todas as unidades inmobiliarias de Bande.
Os fogares conectados poden gozar xa da fibra óptica de Movistar, que ofrece voz con alta calidade nas chamadas e máxima velocidade de conexión a Internet en varios dispositivos de forma simultánea e sen reducir a velocidade de conexión, entre outras vantaxes. Ademais, se o usuario dispón de Movistar Plus+, terá acceso a canles de alta definición e poderá gozar dos seus contidos mentres navega pola Internet, ademais de conseguir a máxima velocidade e resposta nos xogos en rede.