A rede de academias ConMasFuturo leva o seu programa educativo TIC a Ferrolterra
luns, 18 de maio do 2015
ConMasFuturo,
rede de franquías especializada en fomentar o ensino TIC entre os
máis novos, vén de abrir nova sede na provincia da Coruña, máis
polo miúdo na rúa Vigo, 3 B e 12-14 B, na Gándara-Narón. Segundo
fai saber a empresa, o obxectivo é achegar os mellores servizos e os
mellores profesionais para garantir que as nenas e nenos de Narón e
as localidades da contorna “poidan familiarizarse coa tecnoloxía
desde idades temperás, sen deixar de lado o lecer, a diversión e o
contacto coa natureza e o medio que lles rodea”.
Sinalar
que a oferta educativa da academia abrangue cursos de fin de semana,
actividades extraescolares e máis campamentos. Os alumnos, desde os
5 até os 17 anos, poderán aprender robótica, programación de
videoxogos, creación de aplicacións para dispositivos móbiles,
electrónica con Arduino, programación con Unity ou crear os seus
propios xoguetes electrónicos coa linguaxe Raspberry Pi. Tamén
poderán explorar, en palabras dos responsábeis da academia, todas
as posibilidades que ofrece Minecraft e a súa contorna, crear o seu
propio videoclip, maquillarse, facer guións, compor as súas propias
pezas musicais, aprender a dobrar ou crear os seus cómics dixitais,
“entre outros moitos cursos impartidos por profesores
especializados”.
Sinalar
a maiores que o vindeiro 23 de maio está prevista a presentación
oficial de ConMasFuturo no Centro Comercial Odeón de Narón, onde os
seus responsábeis realizarán unha demostración tecnolóxica dos
obradoiros programados.