A provincia de Pontevedra acolle en maio 42 novos cursos de transformación dixital

SmartPEME, o programa de capacitación tecnolóxica para PEME, profesionais e autónomos da Deputación de Pontevedra, volve este mes de maio con novas actividades dirixidas a facilitar a dixitalización e a competitividade. Para a comarca de Vigo, estamos a falar de 21 accións formativas a desenvolver nas oficinas de SmartPEME en Ponteareas, Vigo e Porriño. A estas actividades cómpre sumar as sete previstas para a oficina de Pontevedra (sede Deputación), as sete de Cambados e as sete de Lalín. En total, 42 obradoiros, aos que seguramente se engadan novas actividades en Barro. As inscricións pódense facer no número de teléfono 886 20 20 20, o correo electrónico info.smartpeme@depo.es ou a páxina web www.smartpeme.depo.es.
Todas estas citas teñen o nexo común de facilitar “a adaptación das empresas e proxectos emprendedores da provincia ao novo escenario dixital no que desenvolver as súas actividades e aproveitar as ferramentas existentes co obxectivo de aumentar a súa competitividade”.
As quendas para o mes de maio na oficina de Vigo comezan o martes, 7 de maio, ás 19 horas, con Aprende a usar correctamente Facebook para empresas. A seguinte acción será Desenvolve a túa propia estratexia de e-mail márketing, o xoves desa mesma semana á mesma hora. O curso Obtén valor dos teus datos con Google Data Studio chegará a Vigo o martes 14, ás 18 horas. O martes 21 de maio, ás 19 horas, impartirase Fotografía para xoiería. O xoves desa mesma semana, tamén ás 19 horas, será a quenda de Vende produtos en liña con campañas de Google Shopping. O curso Copywriting aplicado a web e redes sociais chegará o martes 28 á mesma hora. E, para rematar, Empresas de actividades turísticas e plataformas de comercialización en liña terá lugar o xoves 30, ás 17 horas. A oficina SmartPEME de Vigo, na sede da Deputación da cidade, atópase na rúa Oporto, núm. 3.
Ponteareas acollerá os seguintes obradoiros: Ferramentas de Google para a promoción de negocios locais, o martes 7 de maio, ás 19 horas. O xoves 9, á mesma hora, terá lugar Fotografía os teus produtos ou servizos para as redes sociais. O martes da seguinte semana, tamén ás 19 horas, impartirase Crea a túa presentación comercial en menos de 90 minutos. A seguinte será Crea a túa tenda en liña con Prestashop, o martes 21, ás 18 horas. A quenda de Mellora a túa presenza online promovendo as entradas do teu blog será o xoves 23 de maio, ás 19 horas. Por outra banda, o martes 28, ás 17 horas, terá lugar o obradoiro Motores de reservas para empresas turísticas. E, xa por último, o xoves 30, ás 19 horas, Aprende a elixir as palabras clave para a túa estratexia SEO e SEM será a acción que impartirá o persoal do programa. A oficina SmartPEME de Ponteareas, no Centro de Desenvolvemento Local, atópase en Lomba do Cruceiro, núm. 5.
Polo que respecta á oficina do Porriño acollerá os seguintes obradoiros: iniciouse este xoves 2 de maio, ás 19 horas, co curso Coñece as tendencias en economía dixital: Impresión 3D e robótica. O obradoiro Desenvolve a túa propia estratexia de e-mail márketing chegará o martes 7, á mesma hora. O xoves desa mesma semana, ás 17 horas, impartirase Empresas de actividades turísticas e plataformas de comercialización en liña. A acción Deseña e crea as túas imaxes para preimpresión e medios dixitais terá lugar o martes 14, tamén ás 19 horas. O martes 21 de maio, ás 18 horas, chega Crea a túa tenda en liña con Prestashop. O xoves 23, ás 19 horas, impartirase o curso SEO Local: Como ser un dos tres elixidos de Google. E, por último, o martes 28 de maio, tamén ás 19 horas, terá lugar O teu plan de marketing dixital paso a paso. A oficina SmartPEME do Porriño, no multicentro do Concello, atópase na rúa Ribeira, s/n.
A primeira cita do mes na oficina de Lalín foi este xoves 2 de maio, ás 19.horas, e tratou de Fotografía para turismo: As liñas do espazo. O martes 7 de maio, ás 19 horas, desenvolverase o obradoiro Crea a túa presentación comercial en menos de 90 minutos. A terceira cita será o xoves 9 de maio, ás 19 horas, cun curso sobre Desenvolve a túa propia estratexia de e-mail márketing. O martes 14 de maio levarase a cabo, ás 17 horas, As vantaxes de Instagram para a promoción do seu establecemento turístico. O martes 21 de maio haberá, ás 19 horas, un obradoiro de Inbound Márketing. O xoves 23 de maio desenvolverase Obtén valor dos teus datos con Google Data Studio, ás 18:00 horas. Por último, o mércores 29 de maio, ás 19 horas, desenvolverase no viveiro de empresas da Estrada Aprende a usar correctamente Facebook para empresas.
A oficina SmartPEMEde Lalín, no viveiro de empresas situado no Polígono Lalín 2000, atópase na parcela E deste espazo e as inscricións pódense facer no número de teléfono 886 20 20 20, o correo electrónico info.smartpeme@depo.es ou a páxina web www.smartpeme.depo.es.
O primeiro dos cursos para Pontevedra será Fotografía de produto: todo o que debes saber, que se desenvolverá o martes 7 de maio, a partir das 19 horas. O seguinte será o xoves desa mesma semana, a partir das 19 horas, sobre Inbound Márketing. O terceiro curso será Todo o que precisas saber sobre Google apps for Business, que terá lugar o martes 14 de maio, ás 18 horas. Esa mesma semana, Pontevedra acollerá un curso de Mobile Márketing Turístico, ás 17 horas. O obradoiro Vende produtos en liña con campañas de Google Shopping chega o martes 21 de maio, ás 19 horas. O xoves 23 de maio terá lugar Mellora a túa presenza online promocionando as entradas do teu blog, ás 19 horas. Por último, o xoves 30 de maio, ás 19 horas terá lugar O teu plan de márketing dixital paso a paso.
A oficina SmartPEME de Pontevedra, no edificio administrativo da Deputación, atópase na Gran Vía de Montero Ríos, s/n e as inscricións pódense facer no número de teléfono 886 202 020, o correo electrónico info.smartpeme@depo.es ou a páxina web www.smartpeme.depo.gal.
O primeiro dos obradoiros para Cambados foi Inbound Marketing, que se desenvolveu este xoves día 2, a partir das 19 h. O martes 7 de maio, ás 17 horas, terá lugar Facebook para promover o teu negocio turístico. O seguinte será o xoves desa mesma semana, cando a partir das 19 horas terá lugar o curso Crea a túa presentación comercial en menos de 90 minutos. O cuarto curso será Desenvolve a túa propia estratexia de e-mail márketing, que terá lugar o martes 14, tamén ás 19 h. O martes 21, esta vez ás 18 horas, Cambados acollerá Todo o que precisas para saber sobre Google apps for Business. O obradoiro Fotografía para turismo: As liñas no espazo chega o martes 28, ás 19 h. Por último, o xoves desa mesma semana, á mesma hora, terá lugar o curso Vende produtos en liña con campañas de Google Shopping.
A oficina SmartPEME de Cambados, no Centro ExpoSalnés, atópase no paseo da Calzada, s/n e as inscricións pódense facer no número de teléfono 886 202 020, no correo electrónico info.smartpeme@depo.es ou a páxina web www.smartpeme.depo.gal.
Datos sobre o Proxecto SmartPEME
SmartPEME é un novo modelo de servizo orientado á mellora competitiva das PEME e á procura dunha melloría nas vendas e na eficacia e eficiencia das tarefas, que abre novos eidos de actuación e acada novos grupos de interese coma os emprendedores, as asociacións empresariais e os axentes de dinamización en concellos.
O devandito obxectivo, nas oficinas do Porriño, Cambados, Pontevedra, Lalín, Ponteareas, Vigo, A Estrada e Barro, abrangue as seguintes actividades: itinerarios de obradoiros temáticos con diversos niveis de dificultade adaptados ás necesidades das empresas, eventos de networking trimestrais coa participación de profesionais de prestixio, colaboración con asociacións e promoción de alianzas institucionais, especialización sectorial dos asesores en función das necesidades da súa área de influencia, kits de asesoramento en novas tecnoloxías a emprendedores, identificación e difusión das necesidades TIC aos provedores de solucións para as PEME e, tamén, impulso de novas carteiras de servizos de asesoramento.