A presenza corporativa na Rede centrou un seminario en Compostela
venres, 16 de decembro do 2011
Esta tarde no auditorio
do Hostal do Reis Católicos celebrouse un seminario de balde dirixido a empresas e
profesionais sobre a súa
presenza na web e nas plataformas de redes sociais, comezando cun relatorio de Javier Rocamora, organizador do evento e experto na materia, quen
falou da importancia de ter unha estratexia en liña.
Comentou detalles como a
necesidade de ter obxectivos nas redes sociais, elixir nas que hai que ter
presenza, analizar o retorno do investimento... ao que seguiron algúns exemplos
de campañas promocionais que, baseándose en vÃdeos en YouTube, conseguiron unha
grande repercusión, deixando claro que non sempre é preciso ter grandes
orzamentos para conseguir o éxito na Rede.
No tocante ás distintas
plataformas nas que ter presenza, destacou o feito de que o recordo de marca é
moi superior en Twitter que en Facebook, polo mero feito de que a interacción
en Twitter non é publicitaria, aÃnda que Facebook ten un número de usuarios moi
superior, polo que vemos que cada plataforma ten un público e un paradigma,
aÃnda que sempre débese manter certa coherencia, de aà que sexa preciso ter
unha estratexia definida, para non dar pé a contradicións.
A creación de valor
engadido e a produción de contidos tamén son elementos de vital importancia
para poder gañar a atención do público na web.
A web como eixe da estratexia dixital
O especialista en
estratexia dixital Francesc
Pumarola quixo reivindicar
a importancia das páxinas web nun momento no que parece que todo xira ao redor
das plataformas de redes sociais.
Destacou que as páxinas web
continúan a ser os escaparates das empresas, polo que deben continuar a tomarse
moi en conta, e desenvolverse seguindo certos principios (sinxelas, intuitivas,
informativas, lexibles, actualizadas, modificables e con datos esenciais,
podendo contar tamén con zonas de promoción e ligazóns ás plataformas sociais)
e estar orientadas especialmente nos clientes.
Lembrou a importancia de
aparecer en Google, tendo que coidarse moito as páxinas web para posicionarse
axeitadamente no buscador, para que a xente poida chegar ao noso espazo dun
xeito doado e áxil. Tamén destacou a importancia de etiquetar as nosas páxinas
axeitadamente para poder aparecer en Google dun xeito óptimo.
Entre os consellos de Pumarola está a creación de blogs como complemento dos
nosos espazos en liña, especialmente polo ben que estas ferramentas se entenden
con Google, o que potenciará a presenza en liña e contribúe á creación de marca
mediante a achega de contidos de interese.
Monitorización e medición
David Serantes encargouse de abordar o tema da monitorización e
o seguimento, elemento chave para analizar a nosa presenza en liña e evitar as
crises de reputación.
Recomendou o uso de
lectores de fluxos RSS para facer seguimento de información na Rede e de
distintas ferramentas de monitorización como Google Alerts, Twazzup ou
Blogpulse. E tamén instou á realización de rutinas de monitorización,
permanente ou por campañas.
Unha divertida presentación na que con exemplos prácticos os asistentes puideron percibir a importancia de saber o que se comenta das empresas na Rede e de como afecta á súa reputación (de aà a importancia da vixilancia).
O meu avatar na Internet
O avogado VÃctor Salgado abordou o mundo das redes sociais na Internet
dende un puntos de vista legal.
Achegouse a temas como a
protección de datos, a inseguridade da falta de sistemas de identificación dos
usuarios, a sinatura electrónica, o comercio electrónico, os delitos
informáticos e outros temas habituais no sector, como ponte para saltar ás
redes sociais, das que destacou que non son realmente de balde, senón que
pagamos polas mesmas cos nosos datos.
Lembrou que os cidadáns
temos varios niveis de protección, de xeito que xa non temos só o dereito á
intimidade, senón que tamén temos dereito á propia imaxe (dereito ao anonimato)
e á privacidade (concepto máis amplo que recolle toda a información relacionada
con nós).
Contrastou o regulamento
norteamericano co europeo. Nos EE.UU. non teñen dereito constitucional á
privacidade, senón que foi definido pola doutrina e a xurisprudencia, sen
existir unha lei de protección de datos de ámbito federal e normalmente
regúlase a través de diferentes polÃticas de privacidade e os donos dos datos
son as empresas. Mentres, na U.E. temos que se recoñece a privacidade coma
dereito constitucional distintos ao da intimidade, existe o dereito á
protección de datos persoais, existe unha directiva europea sobre a materia e
as persoas son as propietarias dos seus datos.
Afondou na evolución da
privacidade en Facebook, que pasou de ser un sistema que limitaba o acceso á
información a ser abrirse de xeito moi amplo á web. Incluso destacou que ao
compartir contidos con máis de 20 amigos estase a facer unha comunicación
pública (polo que hai que ter moito coidado co que publicamos na web).
Tamén dialogou cos
asistentes sobre as dificultades de demostrar os delitos cometidos a través da
Internet, e achegouse á problemática da responsabilidade dos contidos (que
actualmente non é dos provedores de servizo).
Rematou chamando á
revisión das licencias dos contidos antes do seu uso.
Seminarios en 2012
A xornada de balde de hoxe pretendeu ser a antesala dun ciclo de seminarios
temáticos que celebraranse durante os primeiros meses de 2012, co seguinte
calendario:
13 de xaneiro: Como crear unha conta de empresa en Facebook, Twitter, LinkedIn e Google+ e como utilizalas. Impartido por Francesc Pumarola e Javier Rocamora
27 de xaneiro: Obradoiro práctico sobre o uso profesional e o marketing en redes sociais. Impartido por Javier Rocamora.
10 de febreiro: Obradoiro práctico sobre como sacar partido a unha páxina web e saÃr de primeiros en Google. Impartido por Francesc Pumarola.
23 de febreiro: Obradoiro práctico sobre publicidade en contornos en liña. Impartido por Rubén Bastón.
2 de marzo: Obradoiro sobre legalidade na Internet. Impartido por VÃctor Salgado.
9 de marzo: Obradoiro sobre tecnoloxÃa aplicada ao marketing. Impartido por David Serantes.
23 de marzo: Obradoiro práctico sobre a monitorización e o control da
presenza en liña. Impartido por Francesc Pumarola.