A plataforma web do comercio local de Ponteareas activarase con preto de 60 incorporacións
xoves, 18 de febreiro do 2021
A
Concellaría
de Promoción Económica e a Federación de Comercio, Hostalaría e
Servizos, Banastra, están a ultimar os detalles para a posta en
marcha da plataforma escaparate do comercio local de Ponteareas, Fai
Ponte Con Nós. Trátase dun servizo tecnolóxico abeirado ao
plan Dixitaliza o teu negocio, que incluíu plans de formación
e asesoramento individualizado para os comercios de Ponteareas e a
planificación de estratexias empresariais adaptadas ao novo
contexto.
En
palabras da concelleira de Promoción Económica, Eva Gil, “esta
plataforma escaparate para o comercio de Ponteareas está pensada
para facilitar aos comercios a mellora do seu posicionamento online,
e permitirá facer buscas para atopar os locais que a clientela ten
preto, visualizar os establecementos e contactar con eles así como
saber onde se atopan a través da súa xeolocalización”. Ademais,
indicou, disporá dun bloque de actualidade que irá renovándose en
función das novidades e iniciativas que afecten o comercio local de
Ponteareas.
O
sitio web contará inicialmente con 58 establecementos divididos en
catro categorías: comercio, servizos, alimentación e hostalería.
A
previsión é que a estes primeiros establecementos vaian
sumándoselles outras incorporacións nas seguintes fases.
O
obxectivo “é desenvolver o potencial que ten todo o tecido
empresarial do municipio e axudar na súa adaptación ás novas
circunstancias do mercado e aos novos hábitos de consumo, sen perder
a esencia do comercio local, de tempada e de proximidade”, sinalou
a edil.