A operadora Adamo leva Internet ultrarrápida a 300 fogares de Quiroga
martes, 17 de outubro do 2023
- José Luis Rivera, alcalde de Quiroga, e David Llano (Adamo Galicia) nunha reunión coa veciñanza
Loitar contra o despoboamento rural en Galicia non é unha tarefa
doada, son moitos os atrancos a superar, un dos máis decisivos pode
ser a desvantaxe tecnolóxica que sofren estes lugares afastados,
para ben ou para mal... Desta volta falamos da fibra óptica, que vén
de chegar até o
concello lucense de Quiroga, pois 300 familias contan dende agora con
conexión grazas á operadora Adamo, con sede en
Barcelona, que levou Internet ultrarrápida, de até 1.000 Mb, a
estes fogares.
David Llano, responsábel da operadora en Galicia, fÃxollo saber ao
equipo de Goberno do concello e aos veciños que se achegaron ao
encontro celebrado a semana pasada. Pola súa banda, o alcalde, José
LuÃs Rivera, amais de celebrar o acceso da fibra óptica, está a
impulsar o desenvolvemento da infraestrutura tanto concedendo os
permisos pertinentes con axilidade como facilitando en todo momento o
labor dos técnicos.
Para dotar de conexión de calidade aos sitios máis apartados, Adamo
ideou a ferramenta Ola,
veciño! Un formulario que se pode encher na
web da empresa e que permite a Adamo avisar ao interesado en canto a
fibra chegue ao seu fogar. Asemade, en Adamo.es non hai máis que
premer en Chamámoste para que unha
teleoperadora da compañÃa se poña en contacto co cliente, que
tamén pode marcar o 1600 para recibir información e/ou contratar
produtos.
Engadir que Quiroga forma parte dun plan de expansión da compañÃa,
que amorea máis de 87.000 vivendas cableadas en 36 concellos
lucenses dende mediados de 2018. Adamo resultou adxudicataria da
última convocatoria de axudas estatais e comunitarias para a
instalación desta infraestrutura no territorio. En virtude do
orzamento público-privado resultante do Programa Único, de 17,5
millóns, a dita empresa levará Internet de alta velocidade a 33.000
fogares rurais de Lugo entre 2023 e 2024 para sumar máis de 100.000
inmóbeis conectados á súa rede de alta velocidade no conxunto da
provincia.