A oitava fase do despregue de fibra na zona vella de Santiago obtén o informe favorábel
martes, 2 de marzo do 2021
- A concelleira Mercedes Rosón presidindo a comisión
A
oitava fase do despregue de fibra óptica para permitir a Internet de
alta velocidade na zona vella de Santiago recibiu este martes o
empurrón definitivo. Foi
da man da Comisión Asesora do Patrimonio Histórico, que informou de
xeito favorábel sobre os traballos a desenvolver ao abeiro deste
novo treito do camiño para dotar á Compostela máis histórica de
servizos avanzados de Rede (coa conseguinte consecución dun modelo a
seguir por outras zonas históricas da nosa terra). A oitava fase do
proxecto abrangue unha contorna que sae da cidade amurallada (o que
se coñece como améndoa compostelá) cara a zona do barrio de San
Pedro. A iniciativa, como lembraremos, vén da man do Concello de
Santiago e da axencia autonómica AMTEGA.
A
Comisión Asesora do Patrimonio Histórico foi presidida pola
concelleira de Urbanismo, Mercedes Rosón.
A
fase oitava do roxecto de infraestrutura de telecomunicacións para
o fornecemento de Rede FTTH Orange/Jazztel na cidade histórica de
Santiago de Compostela conta cun orzamento de execución material de
22.885,81 euros. Nesta nova andaina actuarase, por primeira vez, fóra
da cidade amurallada, coa extensión do servizo cara ao barrio de San
Pedro a través de Porta do Camiño e da praza 8 de Marzo.
Esta
parte do proxecto contempla o despregamento da fibra óptica no
seguinte ámbito:
·
Quinteiro da rúa de San Pedro, praza 8 de Marzo, rúa do Medio e
travesía de San Pedro.
·
Praza de San Pedro.
·
Ruela das Fontiñas.
·
Rúa de Aller Ulloa (núm. 1, 3, 5, 7 e 9).
·
Praza do Matadoiro (Núm. 1, 2 e 3).
·
Avda. de Raxoi e Pazo de Fonseca.
·
Costa e Campiño de San Francisco.
·
Rúa de San Francisco.
·
Travesía das dúas Portas.
O
obxectivo, segundo o proxecto presentado, é “dar cobertura total
aos posíbeis usuarios existentes no ámbito, evitando así a
necesidade de futuras ampliacións”. Para iso a empresa incorpora
un novo deseño da rede de distribución co que se acadan melloras
como a redución do número total de caixas, de cables e de fusións.
A proposta achega similares condicións que as anteriores fases,
entre as que destacan:
·
As arquetas e canalizacións soterradas que requiran de escavación
deberán ser obxecto do correspondente proxecto de intervención
arqueolóxica. Estes traballos serán feitos polo Consorcio e
contarán co informe favorábel da Dirección Xeral de Patrimonio da
Xunta de Galicia.
·
Os cables de acometida deberán acceder ás unidades inmobiliarias a
través do portal e os elementos comúns interiores dos inmóbeis.
·
As novas caixas ópticas terán un acabado en cor gris, para reducir
o impacto visual.
· O
trazado dos pasos de rede soterrados deseñarase sempre seguindo a
aliñación das lousas de granito.
·
As tapas das novas arquetas serán de lousa de granito, das mesmas
características que o pavimento; e co grosor necesario para garantir
o tráfico de vehículos pola súa superficie.
· A
obra civil correspondente á execución de pasos soterrados da nova
rede de distribución de fibra óptica deberá ser aproveitada para
soterrar simultaneamente todos aqueles tendidos aéreos que poidan
ser suprimidos. A propiedade das novas arquetas a executar na vía
pública será do Concello.
· A
nova rede debe ser compartida con empresas ou operadores de telefonía
interesados en ofertar os seus servizos na cidade histórica, “xa
que por razóns de protección do patrimonio cultural resultaría
imposíbel autorizar unha rede independente por fachada para cada un
dos operadores”, sinálase nas bases.