A Oficina de Turismo de Cambados avanza cara a unha atención dixitalizada
xoves, 1 de setembro do 2022
A
Oficina
de Turismo de Cambados vaise sumar á revolución tecnolóxica dos
servizos de atención a visitantes que propón a Deputación de
Pontevedra a través do programa Tourist Inside. Así,
instalará nas súas dependencias elementos dixitais que “mudarán
o modo de entender a atención aos turistas”.
Así
o fixeron saber a deputada de Turismo, Ana Laura Iglesias, e o
alcalde e Cambados, Samuel Lago, quen nunha visita á oficina
anunciaron os cambios a aplicar a través de Tourist Inside, que
conta con financiamento europeo xestionado polo Goberno do Estado.
As
accións previstas son a instalación dunha pantalla dixital de 55
polgadas que ofrecerá información do destino Pontevedra Provincia
ás persoas visitantes e no seu interior tamén albergará unha
tableta na que se poderán realizar enquisas de satisfacción. A
transformación da oficina de Cambados completarase coa incorporación
de dous tótems interactivos (un situado no interior e outro no
exterior da instalación) que ao igual que a pantalla dixital
ofrecerán información de interese. As actuacións do Tourist
Inside espallaranse igualmente polo municipio, no que se
colocarán 10 beacons, é dicir, balizas electrónicas que
transmitirán información de interese aos móbiles das e dos
visitantes a través da tecnoloxía Bluetooth.
O
proxecto Tourist Inside está a propagar esta transformación
dixital pola rede Info Rías Baixas, á que está adherida a oficina
cambadense.