A oficina Acelera PEME da Cámara atendeu a máis de oitocentas persoas en 2022
luns, 19 de decembro do 2022
A
Cámara
da Coruña enfiou a recta final de ano facendo balance da actividade
da súa Oficina Acelera PEME, co-impulsada pola entidade cameral
e a entidade público-empresarial Red.es. Segundo fai saber no seu
reconto, o servizo atendeu a máis de 800 persoas en 2022 a través
da súa área de asesoramento e acompañamento para a posta en marcha
de procesos dixitais e impartir obradoiros formativos online.
Amais, no transcurso de 2022 realizáronse vinte e dúas xornadas
formativas que contaron con máis de seiscentos participantes. Por
outra banda, atendeu de forma individual máis de duascentas
consultas.
Os
principais asuntos consultados das empresas atendidas están
relacionados con financiamento e axudas para a dixitalización,
especialmente no que ten que ver coas tres convocatorias de axudas do
Programa Kit Dixital (Red.es), no que a Oficina Acelera PEME colabora
activamente a nivel de información e difusión. Estratexia de
dixitalización, mercadotecnia dixital e redes sociais son outras das
temáticas máis consultadas e para as que máis solicitan
asesoramento os profesionais atendidos.
A
Cámara axudou tamén ás empresas a atopar as liñas de
financiamento máis axeitadas para acelerar a implementación do seu
Plan de Dixitalización.
A
Oficina atende, de forma gratuÃta e personalizada, a pequenas e
medianas empresas, micropemes, autónomos e emprendedores da área
interesadas en comezar ou en avanzar nos seus procesos de
dixitalización, pero tamén axuda a pemes fornecedoras de tecnoloxÃa
a introducir os seus produtos e solucións no mercado. Deste xeito,
calquera persoa autónoma ou pequena empresa pode recibir unha
orientación personalizada de profesionais cualificados sobre as súas
necesidades que lle permita incorporar novos servizos dixitais á súa
carteira.
Trátase
dun servizo gratuÃto. Os interesados en ampliar información poden
acudir á Oficina Acelera PEME, situada na sede da Cámara da Coruña.
Tamén poden contactar a través do 981 216 072 ou ben escribindo a
oap@camaracoruna.com.
Próximos
Webinarios
•
Xoves, 12 de xaneiro de 2023: Como crear unha mensaxe online
atractiva para o teu cliente.
•
Xoves, 26 de xaneiro de 2023: Como utilizar ben o email márketing,
e estratexias para captación de correos electrónicos.