A nova webserie de Porco Bravú inicia a súa xira tras o éxito no Carballo Interplay
mércores, 5 de abril do 2023
- Óscar Cruz e Jorge Boquete recollendo un dos galardóns da súa webserie no Carballo Interplay
O Carballo Interplay
foi o escenario no que a webserie A arte de ser mal pai puido verse polo
público por primeira vez e, segundo os seus creadores foi «chegar e encher», xa
que horas máis tarde desta primeira proxección oficial a serie de Porco Bravú conseguiu
o galardón de Mellor Serie V.O. Galego e o Premio do Público.
Estes recoñecementos para a webserie
revalida o bo facer de Óscar Cruz e Jorge Boquete, que xa conseguiron 4 premios
Mestre Mateo nesta categorÃa, e que desta volta conseguiron que esta comedia
dramática fose producida por Miraveo co apoio de AGADIC.
A arte de ser mal pai conta a historia dun pai interpretado por Xosé M.
Esperante que ten que despedirse da súa filla, Jacoba de Llano. A historia transcorre
durante 3 dÃas, nos que ofrécese unha mirada conmovedora sobre os desafÃos da
paternidade e a complexidade de ser adolescente neste mundo moderno. A serie
tamén conta coa participación de Marita MartÃnez, Sabela Arán, Federico Pérez e
MarÃa Costas, entre outros.
Dende Porco Bravú comentan
que tras o éxito no Carballo Interplay a súa nova webserie vai iniciar o seu
percorrido por distintos festivais e proxeccións, estando previsto xa que o
vindeiro 21 de abril poida verse en Studio Follow (A Coruña) os tres capÃtulos
da serie nun evento privado ao que poderá accederse con convite.
VÃdeo co que Óscar Cruz e Jorge Boquete presentaban a súa webserie no Carballo Interplay