A nosa industria cultural e tecnolóxica loce talento nas Xornadas de Videoxogo de Literatura
venres, 3 de setembro do 2021
- Unha das actividades da primeira xornada nunha imaxe do xornal Atlantico.net
Este
xoves 2 de setembro abriu as súas portas, no Marco de Vigo, a nova
edición das Xornadas de
Videoxogo e Literatura, organizadas novamente pola Fundación
Carlos Casares. A apertura de actividades contou coa
presenza do secretario xeral de Cultura, Anxo Lorenzo, que
salientou “o potencial dos videoxogos en Galicia” e as súas
grandes oportunidades de crecemento e integración na cadea cultural.
En
streaming
As
xornadas son unha cita para tomarlle o pulso á interesante (cada vez
máis) interacción entre creación literaria e lecer dixital, un
punto de confluencia creativa que pode achegar unha importante
materia prima para o sector galego dos videoxogos e, tamén, o
editorial. As xornadas achéganse en streaming
dende a web de seu. O programa inclúe relatorios, presentacións,
mesas de debate e obradoiros sobre dereitos de autor, ferramentas
docentes e de guión e narrativa de videoxogos.
Unha
manchea de posibilidades
O
secretario xeral de Cultura explicou
que os videoxogos abren unha ampla vía de posibilidades para que
outros creadores, por exemplo literarios, presenten as súas
historias, ao igual que os propios videoxogos beben da narrativa
tradicional. Así mesmo, sinalou que “encontros como o inaugurado
hoxe serven para ir máis aló e tecer redes de colaboración con
outras disciplinas, como a música ou o cinema”.
Axenda
completa
A
axenda comezou este
2
de setembro ás 16 horas coa inauguración a cargo da Fundación
Carlos Casares. Despois
foi
a quenda dos relatorios Os
comezos do audiovisual interactivo en España,
a cargo de Víctor Freixanes e Gilberto Sánchez, e Os
esports en
Galicia
e en España,
con
Hugo Botana, Sandra Cabeza “Leviathan”, Diego Vidal e Hugo
Santomé “Curruncho”. Ás
18.30 horas presentouse
a
exposición A
literatura entra en xogo
e do proxecto Música
e videoxogos,
na Fundación Museo do Videoxogo de
Galicia.
A
xornada deste
venres 3 de setembro
arrincará co relatorio El
cuento de sirena: Unha visión (pre) videolúdica de Gonzalo Torrente
Ballester,
por Antonio Gil, e
proseguirá cunha aproximación a
Bitsy e Twine da man de Miguel Valverde.
Logo,
Ramón Méndez, Alba Calvo e Anxo Suárez achegaranse á Tradución
e localización de videoxogos e
Roberto Janeiro abordará
a cuestión dos Dereitos
de autor nos videoxogos e nas adaptacións literarias.
Ás
18 horas está
prevista a mesa redonda O
galego nas redes sociais,
na que
estarán presentes ago
Gordillo, Mario García e Esther Estévez. Logo
será a quenda de
Josué Monchán con Guión
e deseño narrativo nos videoxogos”
O
sábado desenvolverase o obradoiro Cóntame
un conto,
que imparte Ramón Besonías. Ás
11.00 horas presentarase a novela interactiva Ti
primeiro,
da man de Roberto Alvite e Luz Castro. As
xornadas rematarán con Ti
participas,
mesa
moderada
por Carlos Pereiro.
Exposición
Como
dixemos máis arriba, a terceira edición destas xornadas inclúen
tamén, en colaboración coa Fundación Museo do Videoxogo de
Galicia, a celebración da exposición A literatura entra en xogo.
Composta por 15 pezas, a mostra aborda a transmedialidade existente
entre diferentes eidos culturais, as diferentes formas nas que se
presenta unha mesma narración, facendo uso das novas tecnoloxías e
dos soportes que permiten ao usuario interactuar coa historia,
figuras coas que os visitantes poderán xogar e experimentar.