A ministra de cultura asegura que non haberá restriccións no uso da Rede
mércores, 3 de xuño do 2009
As declaracións
de Mariano Rajoy asegurando que “acudiría
aos tribunais no caso de que o Goberno español implantase unha normativa
similar á francesa” referíndose á polémica lei dos tres avisos de Sarkozy
pola que se permite o corte do acceso á Rede a aqueles usuarios que compartan
contidos protexidos por dereitos de autor, non tardou nada en estar en boca de
todos e en prender a mecha da disputa entre os xornalistas máis influíntes do
panorama nacional.
Tanto foi así que a ministra de Cultura
do noso país, Ángeles González-Sinde, que se atopa de visita en Portugal para,
entre outras cousas, inaugurar o Festival de Cine Español, xa foi “advertida” das palabras do presidente do
PP polos xornalistas, aos que tranquilizou asegurando que “non haberá ningún tipo de restricción no uso de Internet”.
González-Sinde, que coñece como ninguén o
alcance deste medio de difusión da información en auxe, respondeu en Lisboa ás
preguntas dos xornalistas sobre as afirmacións do líder do Partido Popular de
xeito rotundo e tranquilizou aos usuarios e usuarias asegurando que “non debemos ter medo a que haxa ningún tipo
de restricción porque Internet é un medio de difusión necesario e fundamental
para todos no noso día a día”.
