A fibra de Movistar chega ao 54% da poboación de Maside

Movistar despregou a súa rede de fibra óptica até o fogar en quince núcleos de poboación de Maside, o que permitiu que 329 novas unidades inmobiliarias dispoñan desta avanzada infraestrutura de comunicación, o que supón máis do 54% da poboación. Os novos núcleos con cobertura de FTTH de Movistar son Carreira, Bouzas, O Pazo, Mudín, A Carballeira, Garabas, Faquín, Sueirexa, Reviñas, Lobada, Eirexa, Pena de Arriba, Pena de Abaixo, Bolo e Santián.
Os fogares conectados poden gozar xa da fibra óptica de Movistar, que ofrece voz con alta calidade nas chamadas e máxima velocidade de conexión a Internet en varios dispositivos (ordenador, tableta, móbil…) de forma simultánea e sen reducir a velocidade de conexión, entre outras vantaxes. Ademais, se o usuario dispón de Movistar Plus+, terá acceso a canles de alta definición e poderá gozar dos seus contidos mentres navega pola Internet, ademais de conseguir a máxima velocidade e resposta nos xogos en rede.