A fibra de Digi xa está dispoñíbel en Pontevedra
venres, 3 de marzo do 2023
A
operadora Digi comunicou que a súa tecnoloxía FTTH (Fibra
Pro-DIGI), que achega até 10 Gbps de velocidade, está dispoñíbel
a partir deste 3 de marzo para a súa contratación por 25 euros ao
mes en León e Pontevedra. Deste xeito, este servizo chega xa a un
total de 30 provincias.
Respecto
das vantaxes que achega a tecnoloxía da operadora, atópanse os
seguintes: alta velocidade (con até 10 Gbps simétricos),
posibilidade de conectar (ao router Wi-Fi 6) múltiples
dispositivos á vez sen perder calidade no sinal), alta experiencia
en gaming grazas a unha menor latencia, un uso máis eficiente
da enerxía (o Wi-Fi 6 require un menor consumo dos dispositivos
conectados, “o que se traduce nun maior aforro de enerxía e nun
beneficio para o planeta ao reducir o impacto ambiental”, explica
Digi) e asesoramento durante a instalación por parte dos técnicos
da operadora.
Quen
precise contratar a fibra da empresa (por 25 euros ao mes) poderá
facelo a través da páxina web
da compañía, en calquera dos seus puntos de venda, nas casetas
Digi da maioría dos principais centros comerciais ou chamando ao
1200, gratis desde a rede Digi, ou ao 919 120 120, desde outra
operadora.