A evolución dixital do noso sector eólico, eixe dunha xornada en Santiago
mércores, 19 de xuño do 2019
O
presidente da Asociación Eólica de Galicia (EGA), Manuel Pazo
Paniagua, participou esta mañá en Santiago nun almorzo da Oficina
de Transformación Dixital do Colexio de Enxeñeiros Industriais de
Galicia (ICOIIG), ao que acudiron, entre outros, o decano do
colexio, Oriol Sarmiento Dez, e o delegado da entidade en Santiago,
Fernando Blanco Silva. O eixe temático da cita foi a evolución
tecnolóxica do sector eólico en Galicia co propósito de
“incrementar a súa eficacia e eficiencia”.
O
ICOIIG e a EGA coincidiron “na especial importancia de aplicar as
novas tecnoloxías de dixitalización e de tratamento de datos na
produción eólica, tanto na fase de implantación de novos parques
como na optimización da vertedura da enerxía producida á rede
eléctrica”.
No
almorzo, coa participación de vinte persoas, abordouse tamén a
contorna cambiante ao que está sometido o sector eólico, con
continuos cambios lexislativos, así como os seus plans de futuro,
que pasan pola instalación prevista de centos de aeroxeradores no
territorio galego nos vindeiros anos.
124
accións nos vindeiros meses
A
actividade deste 19 de xuño en Santiago enmárcanse nun intenso
calendario de 124 accións coas que o ICOIIG chegará ás sete
principais cidades galegas até o próximo mes de setembro. Todas
elas son de acceso libre e de balde para todas as empresas
interesadas.
Esta
campaña divulgativa afondará en aspectos como a forma de sacarlle
proveito á realidade aumentada, as oportunidades da impresión 3D,
as solucións que permite a análise da información a gran escala
(Big Data) o desenvolvemento da mercadotecnia dixital, a
Intelixencia Artificial, a robótica, a dixitalización dos almacéns
coa loxística 4.0, a aplicación da tecnoloxía blockchain
aos negocios, as contribucións do uso de drons nas empresas ou a
utilidade da ciberseguridade ante os riscos dixitais.
As
Oficinas de
Transformación Dixital postas en marcha en toda España polo
Ministerio de Economía e Empresa, a través da entidade pública
Red.es, contan cun orzamento global de cinco millóns de euros. As
actuacións a realizar serán financiadas con cargo ao Programa
Operativo Plurirrexional de España (POPE), Fondos Europeos de
Desenvolvemento Rexional (FEDER) do período de programación
2014-2020 e baixo a lema Unha maneira de facer Europa que ten
entre os seus obxectivos mellorar o uso, a calidade e o acceso ás
Tecnoloxías da Información e a Comunicación (TIC).