A distribución de Linux Trisquel estrea versión 4.5
luns, 28 de marzo do 2011
- Slaine incorpora o xestor de copias de seguridade Déjà Dup
A pasada semana o
sistema operativo libre baseado en GNU/Linux e orientado a usuarios domésticos,
pequenas empresas e centros educativos, Trisquel,
estreou a versión 4.5, alcumada Slaine,
que incorpora un importante volume de melloras, asà como a remodelación do
proceso de desenvolvemento (que foi revisado para simplificar a automatización
de tarefas).
Slaine inclúe un novo sistema de
arrinque para imaxes live, un
instalador mellorado que amosa ao usuario algúns dos puntos destacados do
proxecto durante o proceso e novas aplicacións preinstaladas como o cliente de
escritorio remoto Remmina, o agregador de redes sociais Gwibber ou o xestor de
copias de seguridade Déjà Dup.
Trisquel 4.5 Slaine está baseada en
Ubuntu 10.10, e entre os seus principais paquetes de software libre están
Linux-libre 2.6.35, Xorg 7.5, GNOME 2.32, navegador web baseado en Mozilla
3.6.15 e OpenOffice 3.2. Tamén conta cun controlador Nouveau experimental para
gráficas nVIDIA que permite utilizar a aceleración 3D con software totalmente
libre (aÃnda que a funcionalidade vén desactivada por defecto para evitar
problemas nalgunhas tarxetas que poden operar de xeito inestable con esta
aceleración).
- Trisquel 4.5 conta cun navegador web baseado en Mozilla 3.6.15
