A directora de Telefónica en Galicia aposta en Santiago pola dixitalización universal
xoves, 26 de setembro do 2019
Este
xoves a Cámara de Comercio de Santiago celebrou na súa sede a
xornada A
dixitalización como panca de conectividade na PEME, unha
xuntanza empresarial dirixida a pór de relevo as vantaxes da
transformación e a innovación no seo das empresas de calquera
sector: tanto a nivel de produción como en xestión, comunicación,
mercadotecnia, análise de mercados ou distribución.
Na cita, entre
outras empresas de primeiro nivel (como por exemplo Orange e Mapfre),
participou Telefónica,
achegando o seu punto de vista sobre o positivo de apostar
integralmente pola dixitalización, un proceso que, segundo Marta
Menéndez, directora de Telefónica en Galicia, non é cuestión de
tamaño. “Todas as empresas, máis grandes e máis pequenas,
deben apostar pola dixitalización dos seus procesos e servizos”,
sinalou.
Na
xornada, introducida pola secretaria xeral en funcións da Cámara,
Rosa María Cardoso, interviñeron Carlos López Branco, presidente
da Comisión de Dixitalización da Cámara de España; José Manuel
Martínez, subdirector de Desenvolvemento de Negocio de
Transformación Dixital de Mapfre; e Gonzalo Echazarra, director de
Empresas de Zona Norte de Orange.
Menéndez
destacou ademais que Telefónica é “un socio de fiar para
acompañar ás empresas na súa transformación dixital, tanto en
termos de ciberseguridade como de servizos que redunden nunha
resposta máis áxil a un cliente, cada máis hiper-informado e que
esixe unha resposta inmediata”.