A crise pode con algunhas das empresas favoritas dos internautas
xoves, 23 de decembro do 2010
O servizo en liña 11870.com vén de publicar un estudo que ten un
aquel de informe fúnebre. Trátase do reconto de todas aquelas empresas
populares entre os membros de 11870.com que tiveron que poñer o cartel de “pechado”
ao longo deste ano que remata, sobre todo por mor da crise produtiva que nos
afecta a todos. Estamos a falar sobre todo de pequenas e medianas compañías,
moitas delas situadas nas listaxes de preferidas polos internautas, privilexio
que tristemente non lles serviu para seguir adiante. Segundo conta 11870.com,
entre os sitios en liña afectados atópanse algúns previamente recoñecidos como
os mellores do ano 2010 polos usuarios da devandita web, é o caso de Wok
Delight, La Taverna Siciliana, La Zamorana, Nunc Est Bibendum ou algúns locais de Peggy Sue’s.
Tamén caeron algúns
locais moi populares pola dita rede, como Ottocento, Circus Let’’s Noodle,
Zaranda, La Soleá ou Womo. Asemade, a crise lévase por diante
establecementos de Starbucks Coffee, La
Plataforma de la Construcción, Swatch, Lizarrán ou Giangrossi.
