A creatividade dixital dende a óptica das mulleres, ao detalle na Coruña
martes, 9 de abril do 2019
A
creatividade
dixital feminina está a ser o miolo temático das xornadas Mulleres
e innovación nas artes intermedia, impulsadas pola
Deputación da Coruña a través da Área de Cultura que dirixe
Goretti Sanmartín, vicepresidenta da entidade provincial. A cita
inclúe obradoiros, mesas redondas e presentacións artísticas
arredor da vídeo-poesía, o teatro multimedia, as instalacións
interactivas ou a creación dixital. Celébrase esta semana (onte e
hoxe) no Teatro Colón e enmárcase no programa A Cultura é un
dereito.
As
xornadas contan co comisariado de Rosa Sánchez, directora da
compañía de danza e teatro Konic e tamén directora do festival
Internacional Ecoss, ecosistemas do inesperado, de Barcelona. Sánchez
salientou na presentación que se trata “dun programa de xénero,
unha fiestra para mostrar o traballo das mulleres que contribúen á
cultura da innovación tecnolóxica no marco das medias artes”.
O
programa inclúe (entre outras moitas cousas) un obradoiro sobre
creación de vídeo poesía conducido por Belén Montero, directora
de Versogramas, e un taller de creación dixital impartido pola
investigadora e docente, María Castellanos. As xornadas complétanse
con instalacións, espectáculos e mesas de debate nas que está
previsto que interveñan coñecidas artistas e profesionais como
Margarita Ledo, María Ruído, Marta Pérez, Belén Montero ou Sonia
Méndez.