A creación literaria galega collerá impulso extra nas redes sociais
luns, 13 de xaneiro do 2020
A
Deputación
da Coruña e a Asociación de Escritoras/es en Lingua Galega (AELG)
veñen de xuntar forzas, novamente, para impulsar a difusión da
cultura e poñer especial incidencia no ámbito dixital e das redes
sociais. Estamos a falar do acordo acabado de asinar entre o
responsábel da área de Cultura da entidade provincial, Xurxo Couto,
e o presidente da AELG, Cesáreo Sánchez.
En
termos xenéricos, Couto fixo saber que a Deputación achegará
financiamento (38.000) para o programa de difusión e promoción da
creación literaria que desenvolve a entidade de escritoras e
escritores. Ao abeiro desta colaboración, a entidade provincial
apoiará as iniciativas da AELG que vaian destinadas a difundir nas
novas canles e plataformas a actualidade do sistema literario e dos
contidos da web da asociación, en especial a través das redes
sociais e por medio da axenda cultural que se actualiza de continuo.
A
formación é tamén outra das liñas de actuación que se inclúen
no convenio con actividades como a Escola de Escritoras/es ou as
Xornadas de Literatura Dramática, iniciativas que se suman ao
mantemento de infraestruturas tecnolóxicas ou a propia asesorÃa
laboral contábel e fiscal da entidade.