A conselleira de Sanidade visita a ciberaula do novo Hospital Universitario Lucus Augusti
luns, 4 de xuño do 2012
A
conselleira de Sanidade, RocÃo Mosquera, visitou
hoxe o Hospital Universitario Lucus Augusti, onde acudiu ás instalacións da
Ciberaula do centro. Esta Ciberaula forma parte do convenio que a
ConsellerÃa de Sanidade e a Fundación La Caixa asinaron para instalar diversas
Ciberaulas en hospitais da rede do Servizo Galego de Saúde.
Na
actualidade, existen ciberaulas nos Complexos Universitarios da Coruña,
Santiago e Ourense, ademais da de Lugo, nas que preto de 4.500 nenos accederon
ás súas instalacións ao longo do pasado ano.
A Ciberaula
do Lucus Augusti ten ao redor de 70 metros cadrados e dispón de 8 ordenadores e
dous portátiles con conexión a Internet, ademais de cámara dixital de
fotografÃas, xogos, e programas educativos, asà como espazos para o ocio, a
comunicación, a formación e o entretemento dos rapaces hospitalizados. Os
pacientes que non se poden desprazar á Ciberaula dispoñen dun kit para usar na súa habitación. A
Ciberaula do Hospital Lucus Augusti dispón de voluntarios da Cruz Vermella,
tanto de luns a venres como as fins de semana.
A
conselleira de Sanidade aproveitou a visita para agradecer aos directivos da
Fundación La Caixa a súa colaboración, asà como aos voluntarios da Cruz
Vermella polo seu compromiso e esforzo para que a hospitalización dos nenos
sexa máis agradable.