A ciberseguridade, Airbnb, o ecommerce e Arduino centran os novos obradoiros de SmartPEME
luns, 14 de novembro do 2022
A
Deputación
de Pontevedra, a través do programa de capacitación tecnolóxica
SmartPEME, oferta esta semana catro novas accións formativas
impartidas de xeito mixto, combinando cursos online e
presenciais, enmarcados na súa carteira de obradoiros para
pequenas e medianas empresas, persoas autónomas e profesionais en
xeral. As accións tratarán temas como a ciberseguridade nos
móbiles, a comercialización de aloxamentos con Airbnb, as
plataformas para crear tendas en liña e a programación co
software-hardware aberto Arduino. Máis
datos na web de SmartPEME.
Este
luns 14 de setembro, Manuel Freire, experto universitario en
robótica, programación e impresión 3D, será o encargado de
impartir o obradoiro Ciberseguridade, dispositivos móbiles.
Este curso ten como obxectivo ver a importancia de protexer os
dispositivos móbiles, xa que cada vez somos máis dixitais. Será ás
10.00 horas de xeito telemático. Freire tamén dirixirá o
derradeiro dos obradoiros da semana, o xoves 17, Programación con
Arduino II. Teórico II. Este curso forma parte dun itinerario
que ten como obxectivo iniciarse e adquirir soltura cunha das
linguaxes de programación máis populares a dÃa de hoxe: o
software-hardware libre Arduino. A actividade combinará unha
vertente teórica en liña e talleres prácticos para experimentar o
aprendido.
O
martes 15 ás 11 da mañá, vÃa Zoom, será a quenda de Airbnb:
comercialización en liña de aloxamentos e experiencias, un
obradoiro no que se falará de como converterse en anfitrión de
aloxamentos e actividades e cales son as condicións e vantaxes de
formar parte desta plataforma dixital. O curso estará guiado por
Sonia Torres, posgraduada en Xestión e Dirección de Empresas
TurÃsticas pola Universidade de Santiago de Compostela.
A
penúltima das accións formativas celebrarase o mércores 16 pola
tarde, ás 18.00 horas, Laura Carrera, graduada en Publicidade e
Relacións Públicas, será quen imparta o taller Descobre
plataformas para crear de maneira sinxela a túa propia tenda en
liña, un obradoiro no que se verá a situación actual do
comercio electrónico, que pasos dar para crear unha tenda en liña e
cales son as mellores plataformas para creala.