A asociación WOP pendura na Rede o resultado dun dos maiores flashmob convocados no eido estatal
mércores, 12 de decembro do 2012
A
asociación
Walk On Project (WOP),
plataforma de loita contra
doenzas neurodexenerativas,
vén de estrear na Rede, polo grande (e nunca mellor dito, tendo en
conta as dimensións dos efectivos reunidos e a cidade elixida para
os mesmos: Bilbao), o resultado da súa convocatoria flashmob
do
pasado 1 de decembro. Nesta cita, lembremos, participaron
unha orquestra sinfónica, un coro e máis de 40 bailaríns,
rexistrados todos
eles
por 12 cámaras e reflectidos nas
redes sociais de meirande relevancia, amais de na propia web de WOP.
Recordar que un flashmob
é unha xuntanza xeralmente multitudinaria, xerada vía móbiles ou
redes sociais para facer ou crear algo rechamante e, sobre todo, temporal.
Volvendo á criatura de WOP, dicir que xa se pode ver no
YouTube.
A
arela de WOP é a de que se converta nun dos vídeos máis visitados
na Rede, “e
desta maneira contribuír a que siga a medrar a marea humana da
asociación, sumando novas vontades”. A
experiencia audiovisual en cuestión, froito da xuntanza do 1 de
decembro, relata unha minihistoria do cantante Mikel Rentería, que
logo dun breve
paseo polas rúas de Bilbo, diríxese cara
a unha
tradicional zona de poteo
da cidade, onde comeza a tocar as súas cancións, nun
principio só
e logo en compañía dunha banda, unha orquestra sinfónica (a do
conservatorio Juan Crisóstomo de Arriaga de Bilbao), un coro e máis
de corenta bailaríns.
Lembrar
que Mike Rentería e a súa muller Mentxu fundaron en 2010 o proxecto
Walk On Project, WOP, para a loita contra as enfermidades
neurodexenerativas, apoiando a investigación en terapias curativas
(o seu fillo Jon sofre dunha destas doenzas, leucodistrofia).