A aceleradora galega de empresas TIC Zarpamos amplía capital coa entrada dun novo socio
venres, 10 de xaneiro do 2014
Un ano despois da creación da aceleradora de empresas
tecnolóxicas Zarpamos a compañía conseguiu unha valoración pre-money de 2.000.000 euros, dando
entrada a un novo socio polo 11% da compañía, empregándose os fondos
captados para seguir investindo capital semente en nosas startups, así como de apoio á súa nova empresa de I+D dedicada en
exclusiva ao desenvolvemento de novas tecnoloxías dentro do sector da saúde.
Neste primeiro ano de actividade, Zarpamos valorou máis de 600 proxectos
emprendedores, dos que unha pequena selección están actualmente na aceleradora,
recibindo un investimento de 380.000 euros. O director xeral de Zarpamos,
Manuel García, estima que “a entrada deste socio permítenos abordar un
investimento de preto de 1.000.000 euros nos vindeiros 3 anos, nos actuais e
novos proxectos. Tamén permitiranos afianzar o programa de transferencia de
coñecemento e internacionalización, que no segundo trimestre do ano permitirá
ás nosas startups traballar nunha das
aceleradoras máis potentes a nivel mundial, fora do noso país”.