A Xunta substituirá o correo postal polo SMS nos chamamentos para as contratacións temporais
luns, 18 de febreiro do 2019
A Xunta de Galicia eliminará o correo postal
con acuse de recibo nos chamamentos para a cobertura de substitucións no ámbito
da Función Pública, e o
substituirá pola mensaxe directa ao teléfono móbil (SMS), tal como
establece a modificación que está a tramitar a ConsellerÃa de Facenda do
Decreto 37/2006, que regula as listas de contratación temporal na
Administración galega.
O cambio do correo postal polo SMS é unha
aposta pola introdución dos novos medios electrónicos no sistema de xestión de
listaxes. De feito, o SMS ofrece as mesmas garantÃas que o correo postal, posto
que a Administración seguirá recibindo a confirmación de que o destinatario
recibe o chamamento, pero ofrece importantes vantaxes respecto ao correo: é un
sistema máis áxil, permitirá simplificar trámites e reducir os tempos de
cobertura, e en definitiva suporá un aforro de custos para a cidadanÃa e para a
Xunta de Galicia.
Con este cambio a ConsellerÃa de Facenda
deixará de enviar cada ano máis de 12.000 citacións postais, e para levalo a
cabo, a Xunta de Galicia outorgará un prazo de 3 meses desde a entrada en vigor
da modificación para que aquelas persoas inscritas nas listaxes que non
achegaron un número de teléfono móbil para a súa localización completen este
trámite.
Ademais, o decreto establece que
adicionalmente a Administración galega tamén empregará outros dous medios
electrónicos para realizar os chamamentos: o correo electrónico e a
notificación electrónica a través da plataforma Notifica. En todo caso, a Xunta
seguirá realizando os chamamentos de carácter urxente a través de chamada
telefónica.