A Xunta avoga pola innovación desde a colaboración público-privada para unha Galicia máis dixital
xoves, 24 de marzo do 2022
O vicepresidente económico e conselleiro de EconomÃa,
Empresa e Innovación,
Francisco Conde, avogou hoxe por seguir impulsando a innovación desde a
colaboración público-privada para consolidar unha Galicia máis verde e
dixital, tal e como manifestou no acto de entrega dos II Premios á
innovación galega, organizados por Vodafone e La Voz de Galicia e nos que
estivo acompañado polo delegado territorial da Xunta na Coruña, Gonzalo Trenor,
e pola directora da AMTEGA, Mar Pereira.
De feito, nesta edición recoñeceuse o
labor da propia AMTEGA co galardón ao servizo á cidadanÃa, e na que tamén foron
premiadas as empresas Eezon e Jealsa e a Abanca.
Conde salientou que en Galicia a innovación é relevante e
necesaria tanto para o tecido empresarial como para a Administración polo modo
en que axuda a mellorar a prestación dos servizos públicos. Nese sentido,
mencionou os avances conseguidos coa aplicación das TIC ao sistema galego de
saúde, ou proxectos como a Cidade das TIC e o Polo Aeroespacial de Galicia, que
é o maior proxecto de Galicia en compra pública innovadora. Iniciativas,
lembrou, que a Xunta presentou na recente misión comercial a Colombia.
Segundo dixo, no complicado escenario que estamos a vivir, a
Xunta está concentrando todos os seus esforzos en aprobar medidas inmediatas
para os sectores máis afectados pola crise, pero tendo moi presente os retos do
medio e longo prazo como son a transición ecolóxica e dixital.
Neste contexto, destacou que agora é o momento de
facer da biotecnoloxÃa un sector estratéxico, non só para protexerse de futuras
emerxencias sanitarias, senón tamén para impulsar un modelo económico máis
verde e sustentable. Pola súa transversalidade e capacidade de adaptación,
abondou, a industria biotech é unha panca de innovación que reactiva, potencia
e valoriza sectores tradicionais. E, ao respecto, apuntou que a Estratexia de
Consolidación da BiotecnoloxÃa 2021-2025 que a Xunta de Galicia deseñou para o
sector (perÃodo no que se prevén mobilizar 660 millóns de euros) vai nesa
dirección.