A Xunta activa a web das Eleccións ao Parlamento de Galicia
venres, 9 de xaneiro do 2009
O vindeiro dÃa 1 de
marzo, todos os galegos maiores de 18 anos teremos a oportunidade de exercer o
noso dereito a voto para elexir aos representantes do parlamento galego que nos
gobernarán nos vindeiros catro anos.
A fin de ofrecer a
meirande información posible sobre este proceso, a ConsellarÃa de Presidencia,
Administracións Públicas e Xustiza vén de activar unha páxina web sobre as
eleccións ao Parlamento de Galicia na Rede.
O sitio está
dispoñible en galego e castelán e, entre outras cousas, ofrécelle ao elector,
datos sobre o proceso electoral, resultados de anos anteriores, calendarios… asÃ
como a posibilidade de recibir por SMS os avances de resultados en tempo real.
A web, á que tamén se pode acceder dende unha ligazón directa na páxina oficial da Xunta, conta con varios
apartados nos que se organiza a información sobre os distintos aspectos do
proceso electoral; de modo que en Información
ao elector, por exemplo, pódense atopar datos sobre a acreditación do
dereito a voto, os métodos de votación (presencial, por correo, accesible, do
electorado temporalmente no estranxeiro, dos inscritos no censo especial de residentes
ausentes no estranxeiro, do persoal embarcado ou en situacións excepcionais
vinculadas á defensa nacional e dos electores en penitenciarÃas), as mesas e
locais e a posibilidade de recibir os resultados por SMS.
Sobre isto, o cidadán que o desexe poderá solicitar a recepción no seu
móbil dos resultados de avances e o reconto provisional mediante o envÃo de SMS
durante a xornada electoral. Poderase pedir a información dun momento preciso
do reconto ou mediante unha subscrición na que se darán os datos do reconto en
cada fase do mesmo (ao 25%, 50%, 75% e 100%). A mensaxe conterá os porcentaxes
de escrutinio e de abstención e o número de cargos obtidos por cada
candidatura.
Campaña, candidaturas e calendario
Doutra banda, no apartado sobre Preguntas
frecuentes respóndese a dúbidas sobre dereitos e deberes dos electores, inscrición
no censo electoral, formación das mesas electorais, votación (en persoa, por
correo e dende o estranxeiro) e presentación de candidaturas.
En A votación explÃcanse os
procesos do desenvolvemento desta e do escrutinio; e en Campaña institucional recóllese o marco legal da mesma, con enlaces
aos textos das normas que a rexen. En Candidaturas
ofrécese información sobre os prazos de presentación das mesmas (neste caso
entre o 21 e o 26 de xaneiro) e sobre quen pode facelo, e tamén sobre a campaña
electoral.
Na sección Calendario electoral
inclúense unha axenda que se actualiza diariamente e que indica en que prazo
está o proceso; e dúas máis nos que aparecen subliñadas as datas máis
importantes tanto para os candidatos como para os electores. Asemade, permite a
descarga en formato PDF dunha táboa con todos estes datos.
En Eleccións anteriores están os
resumos dos resultados dos procesos electorais que tiveron lugar entre 1981 e
2005, e Lexislación electoral é un
compendio das normas estatais e autonómicas sobre esta materia.
En Administración electoral
fálase das xuntas electorais Central, de Galicia, Provincial e de Zona -de
todas elas explÃcase a súa definición, composición, funcións e enderezo-, e en Representantes da Administración se di
quen son e como actúan. Por último, inclúese unha sección con enderezos de
interese.
Asemade, a páxina conta cunha ligazón á web do Instituto Nacional de
EstatÃstica con información referida ao Censo Electoral das eleccións ao
Parlamento de Galicia.