A Xornada Empresas en Rede deixa pegada no empresariado galego
xoves, 24 de febreiro do 2011
A pasada semana, Código Cero achegouse ata a o Centro de Novas
Tecnoloxías (CNTG) da rede CEMit da Xunta de Galicia para asistir á Xornada Empresas en Rede, un evento
organizado pola entidade pública Red.es para promover a implantación de
tecnoloxía específica, neste caso, do sector automovilístico do noso país, e dar a coñecer
as vantaxes do uso das TIC aplicadas a este tipo de negocios.
Ao acto asistiu, en palabras da organización do evento, “a totalidade dos empresarios do sector da
venda, mantemento e reparación de vehículos de Galicia”, que puideron
comprobar de primeira man, como a implantación da tecnoloxía específica nas
súas empresas pode axudar a aforrar tempo e custes na xestións diarias.
De feito, así o demostran os datos extraídos dunha enquisa realizada
posteriormente entre tódalas persoas asistentes, das que 8 de cada 10
manifestaron que “incorporarán solucións
tecnolóxicas nos seus procesos de xestión”.
A enquisa reflexa, asemade, que os empresarios asistentes saíron
satisfeitos da xornada ao asegurar que “a
implantación das solucións tecnolóxicas nos seus procesos de xestión diaria
aumenta a produtividade, mellora a atención ao cliente e incrementa as vendas”.
Por outra banda, os datos obtidos na enquisa mostran que a maior
preocupación das persoas asistentes no tocante aos seus negocios son “a solución das necesidades do cliente, cun
29 por cento, seguido do aumento do número de clientes (cun 17 por cento) e a
obtención dunha maior rendabilidade e mellora na administración”.