A XIX edición de Arroutada dará comezo en menos de 3 días
luns, 21 de maio do 2012
O vindeiro xoves, 24 de maio, o recinto ExpoCoruña abrirá as súas
portas para acoller a XIX edición da Arroutada Lan Party, o maratón informático
da cidade herculina que durante catro intensos días reunirá a mozos e mozas con
(a lo menos) un interese común: a
informática e as novas tecnoloxías.
A organización informa que, ao igual que nas edicións anteriores,
as persoas participantes deberán traer o seu propio equipo, e que alí terán
todo o que precisen para conectarse á Rede “e
estar cómodos”, engaden.
O evento coincide con outro que xunta moitos seareiros na cidade:
o Expotaku, que tamén achega un
completo programa de actividades formativas, relatorios e concursos.
