A Web 2.0, a debate este 25 de outubro na sede da CEP

A Confederación de Empresarios de Pontevedra organiza este 25 de outubro unha xornada sobre as Novas Posiblidades de Negocio con Web 2.0, encamiñada a informar sobre os vieiros empresariais que abre a nova orde de Internet, participativa, social e máis aberta. Coa finalidade de dar a coñecer estes vieiros e máis as oportunidades de investimento e de mellora na xestión que achegan, a CEP contará nesta xornada con Félix Gómez López, programador web de Wireless Galicia, Gonzalo Núñez, xerente de Pexego Sistemas Informáticos e Juan Manuel Lago, xerente de TerraSolutions.
O encontro dará comezo ás 16.45 na sede da CEP en Vigo.