A Warner publicará de balde na Internet os videoclips dos seus artistas musicais

A división musical do grupo Warner anunciou que está a traballar na publicación na Internet do seu arquivo de vídeos musicais de xeito que estean dispoñibles de balde para os afeccionados.
Así, dende Madonna ata os Red Hot Chili Peppers terán os seus videoclips na Rede grazas ó provedor Premium TV que creará varias webs de vídeos que se organizarán por artistas, xéneros ou selos musicais e que se financiarán grazas á publicidade (coa opción de mercar tamén os vídeos para a súa descarga).
Esta iniciativa nace da necesidade de achegar novos ingresos ante o descenso da venda de CD, polo que buscan novos mercados na Internet.