A Universidade Autónoma de Madrid encárgalle unha aplicación a Aratech
mércores, 14 de maio do 2014
A
empresa galego-madrileña Aratechnology -de base tecnolóxica e centrada en solucións cloud
e
apps
móbiles (SaaS)- vén de anunciar un encargo por parte da
Universidade
Autónoma de Madrid (UAM), estamos a falar da realización dunha
aplicación nativa iOS/Android para a súa Unidade de Cultura
Científica denominada UAM Gazette. Máis polo miúdo, a empresa con
sede no Milladoiro e na capital do Estado vai desenvolver unha
aplicación móbil para iOS e Android que permitirá aos usuarios
acceder aos contidos producidos pola Unidade
de Cultura Científica da Universidade Autónoma de Madrid.
Esta
aplicación é pioneira, xa que é a primeira que se realiza para a
universidade, sinalan fontes de Aratech. Esta ferramenta disporá de
diferentes seccións que servirán para categorizar a información
contida na mesma, denominadas: Novas
Científicas,
Artigos
de Divulgación,
Galería
de Imaxes
(e vídeos), Axenda
de Actividades
e Acerca
de.
Á aplicación poderase acceder desde smartphone
e tablet
e irá acompañada dun xestor de contidos Web desde o que se poderán
dar de alta os contidos que se queiran colocar na app. Aratech
emprestará un servizo completo á Universidade Autónoma de Madrid
no que se incluirá a análise, deseño, desenvolvemento, testing
e subida ás market
correspondentes. A tecnoloxía elixida para este proxecto é a
axeitada á plataforma Android-Java, iOS-Objective-C e PHP Web Linux.
Esta aplicación permitirá á UAM dar unha meirande accesibilidade
aos contidos da súa Unidade Cultural tanto aos alumnos coma ao
público en xeral.