A USC recoñece o labor de Televes e do seu conselleiro delegado

O reitor da Universidade de Santiago de Compostela, Senén Barro, vaille impoñer ao conselleiro delegado de Televes, José Gabriel Barriro Pérez, a medalla de ouro da Universidade, en recoñecemento ao seu labor desempeñado como profesor e como membro do Consello Social desta institución académica.
A entrega desta distinción terá lugar mañá venres no marco do acto de celebración do patrón da Facultade de Ciencias Económicas e Empresariais, San Vicente Ferrer, ás 12:00 horas.
No mesmo acto, Ramón Descansa, presidente de Televes, recollerá, de mans da decana da facultade, o premio Fulget 2008, como recoñecemento á colaboración da compañía “en accións encamiñadas a mellorar as relacións entre a actividade académica e o entorno profesional”.