A USC ofrece un servizo de apoio online para facer presentacións eficientes e de calidade
martes, 3 de maio do 2011
Hoxe en día son poucos os relatores
e conferenciantes que non botan man de apoio audiovisual nas súas intevencións
públicas para ilustrar o tema a tratar, porén aínda queda quen non sabe que
existen ferramentas TIC o suficientemente boas e doadas de usar que convirten
os relatorios mediocres en brillantes actuacións.
Isto tamén hai que trasladalo ás
aulas, mesmo da contorna universitaria, onde por desgraza son moitos os mestres
e mestras que aínda botan man das tradicionais diapositivas proxectadas na
parede para apoiar so seus infumables discursos, que non fan outra cousa que
castigar ao seu auditorio (alumnos e alumnas que xa de por sí tiñan poucas
ganas de estar alí).
A fin de cambiar isto e axudarlle
ao conxunto da comunidade universitaria a facer presentacións boas coas que
impresionar ao seu auditorio ou a lo menos evitar que abandoe a sala na
primeira media hora de intervención, o Servizo de Normalización Lingüística da
USC ofrece na súa web unha serie de
recursos cos que crear presentacións “modernas,
comunicativas e de calidade”.
Ademais de asesoramento sobre o
deseño, a redacción ou o coidado dos detalles da escea, a páxina ofrece un
patrón creado pola USC con PowerPoint para traballar sobre el e usalo de base
para presentacións propias.
Asemade, como non podía ser doutra
maneira, o SNL ofrece un servizo de asesoramento lingüístico de galego, a fin
de crear diapositivas correctas e comunicativas na nosa língua.
A estas pílulas ofrecidas dende a
web hai que engadir que o SNL, no marco do Programa de Formación e Innovación
Docente, vai organizar uns Obradoiros de
presentacións dixitais eficientes, de 30 horas de duración, para axudarlle
á este colectivo da USC a facer mellores presentacións para as súas clases.