A USC celebra estes días unhas xornadas de software libre en Santiago
xoves, 19 de febreiro do 2009
A Escola
Técnica Superior de Enxeñaría de Santiago está a acoller, dende onte mércores e
ata o vindeiro venres 20 de febreiro, unhas xornadas técnicas destinadas a
profesionais das universidades españolas interesados en profundar nas
particularidades de OpenCms e Sakai, dúas plataformas de software libre cuxo
uso se está a estender constantemente, sobre todo no entorno universitario.
Aínda que as xornadas son independentes entre
si, a súa organización realízase de xeito conxunto “co obxecto de simplificar o proceso de asistencia”, de tal xeito
que na xornada do mércores os interesados coñeceron o OpenCms, e na de hoxe e
mañá venres, as outras dúas xornadas que restan estarán dedicadas á plataforma
Sakai.