A UDC concorre á convocatoria das Cátedras en IA do Ministerio deTransformación Dixital
mércores, 1 de marzo do 2023
A
Universidade da Coruña, coa colaboración de Inditex, concorrerá á
convocatoria do Ministerio de Asuntos Económicos e Transformación
Dixital das Cátedras Universidade-Empresa da Estratexia Nacional de
Intelixencia Artificial (ENIA). O Ministerio, a través da SecretarÃa
de Estado de Dixitalización e Intelixencia Artificial, lanzou unha
convocatoria para financiar 32 cátedras universitarias dedicadas á
investigación, divulgación, docencia e innovación sobre
Intelixencia Artificial (IA) e ciberseguridade. Para optar ao
programa a universidade solicitante deberá participar conxuntamente
cunha empresa.
A
Universidade da Coruña e a multinacional Inditex chegaron a un
acordo de colaboración, que se asinará proximamente, para
concorrer conxuntamente a esta convocatoria dentro da área temática
de Algoritmos verdes. O acordo recolle que Inditex se
compromete a financiar con 300.000 euros o proxecto Cátedra
UDC-Inditex de Intelixencia Artificial dentro da dita área temática,
o que supón aproximadamente o 30% do custe do proxecto, cun plan de
actuación para os vindeiros catro anos, no caso de que a proposta
sexa seleccionada e concedida. Esta Cátedra está orientada a
potenciar as actividades formativas, de investigación e de
transferencia de coñecemento no ámbito da IA en Algoritmos verdes.
A
participación da UDC na convocatoria de Cátedras de Intelixencia
Artificial é consecuencia da declaración de interese presentada
pola Universidade dentro da convocatoria de manifestación de
interese sobre algoritmos verdes do Ministerio de EconomÃa e
Transformación Dixital do 15 de outubro de 2021.